بسم
الله الرحمن الرحيم
قالوا اكتب
عن الثورة ثورة يناير
واكتب
كمان عن الشباب والشعب اللي ثاير
قلت لهم يا
ناس سيبوني أنا دمي فاير
سيبوني شوية دا أنا عقلي طاير
دي مش ثورة
كانت دي بس البشاير
صبر
السنين أتلكم يا حلوة يا أم الضفاير
======
علي
شانك أنتي يا مصر:
علي شانك أنتي يا مصر أضحي بكل اللي ليه
ما أنتي يا غالية كل اللي ليه أنتي القضية
وأنتي
حمالة الآسية ولا في يوم يامصر جيتي عليه
علي شانك انتي يا مصر شلت المسئولية
ولادي
الصغار خايفين عليه بيقولو يا بابا أأقعد
شوية
تعالي قبل المغربية اصل الشارع قلقلان شوية
وفيه
عيال شغب وبلطجية فكرنها وسية
ولا تكية عاو زين يقضوا ع الثورة دية
=====
- اللي حصل
واللي كان :
فجأة الشباب اتجمع وقف وسط الميدان
رافع
بأيده علم وفي ايده الثانية ميزان
واقلبه يا
خويا امتلي بالحب والإيمان
قلبهم علي
بعضهم أية ودليل من الرحمن
ربنا قال
لنا اتحدوا واعتصموا توقفوا الطوفان
ودي رحمة من ربنا زلزل بيها الطغيان
===========
فجأة
وبدون مقدمات :
فجأة
وبدون مقدمات قالوا الحق مات
الحق فات طب والذكريات والأمنيات
كل
ده راح فين يا عالم .
قالوا
خلاص ده كان زمان لما كان فيه أمان
قبل ما نعرف الأمريكان أو نسمع عن كردستان
لما
كان فيه إيمان أيام الخليفة العادل وابن عفان
كان صاحب
الحق يخده ولو من السلطان
====
قلت يا ناس
أنا عندي أمل في ربنا كبير
تعالوا نحط أيدينا
مع بعضنا ودي دعوة للتغيير
نهتف ومن
قلبنا إحنا معكم في التحرير
رد واحد منهم
وقال أنت عاوز تعمل فيها كبير
أو عا تنسي
نفسك هيه نفخة وفيها تطير
انت
ناسي يوم ما قلت دعوة تغيير
فاكر إيه
اللي حصلك ولا نسيت يا كبير
ده لسه آثره
باين عليك وظاهر في التفكير
=====
نسيت لما بعتوا الجماعة(أمن الدولة )
خدوك
وع البيت الكبير( السجن) شحنوك
وقدام
كل الناس من قفاك شدوك
بجد
انت صعبت علي لما بهدلوك
نسيت
لما بين أربع حيطان لوحدك حبسوك
ومين يقول لأمك انت
فين ولا يطمئن عليك أبوك
=====
اسكت بقا: اسكت.
اسكت ده
كان جواب كل اللي سبوك
اسكت يا
ولدي بقا: ده كلام كل اللي خذلوك
اسكت بقا :
ده نظام اللي نصبوا نفسهم علينا زعما وملوك
اسكت بقا :
دول ضحكوا عليك لما قالوا بيحبوك
ودول من
وراك يا ولدي بينهبوك
أخذوا فلوسك
وفي سويسرا ملؤ بيها بنوك
ومن بجحتهم
بيهددوك هيقتلوك هسجنوك
=====
ولما قلنا ع البطالة وفي ناس شغالة ومش شغالة
قالو لنا انتوا علينا
عواله وتحججوا بالكفالة والوكالة
وقلنا
يا ناس فيه فساد قالوا علينا عمله قالوا أوغاد
أوعوا تصدقوهم دول هما أصل
الفساد
ومعاهم
شهادة تخصص دكاترة في العناد
=======
- أنا بـــ
اصرخ وبأعلى صوت : صوت الحق مش هيموت
صوت الحق هو
القوت (الطعام
والشراب) .
وحياة ربنا
ذي العزة والجبروت
الظالم له
يوم هيموت
اهتف معايا
يا خويا وعلي الصوت
وكفاية
ذل يا صاحبي كفاية سكوت
شعبنا عمره
ما يوم هيموت
لا للذل
وللجبروت
اهتف علي
الصوت الحرية مش هتموت
كفاية خلاص مالينا ما الكهنة والكهنوت
وكل يوم
وعود تتولد وكل يوم أحلام بتموت ارحل يا
مبارك ارحل موت
======
أعداء الثورة
يا
ناس كفاية بقا الخلق ليه متفرقة
ناس نصابين
وناس ثانية مش فاهمين
وناس
غلابة وطيبين
وفي
ناس للأسف خيبة ومش فاهمين
بيقولوا هوا اللي
حمانا والله ده هوه اللي عمانا
استغبانا
خدنا علي خوانة وكان معه عز وجرانه
وكمان صفوت وشريف وعز
ونظيف دول عالم جعانه
بتقولوا حمانا مين ده اللي حمانا ومن مين حمانا
من عز ولا من
جرانه ولا من العدلي اللي سوانا
دول سرقوا
فلوسنا ونهبوا غدانا
ولسه فيه ناس تعبانه
بدافع
عنهم وتقول دول ناس غلبانة
======
ولحساب
مين يا شعب يا مسكين كل دي الملايين
أه يا مغفلين :
ايوه
انتو مغفلين انتوا ليه كده زعليين.
لما
قلنا له ارحل قال مش راحل
لما
قلنا له ارحم قال مش راحم
طب ده يرضي مين كل دي الملاحم
يرضيك
يا حاج أمين.
يرضيك
نعيش مع ناس خينين اقصدي مغفلين
ايوه مش كلهم خينين متزعلش كده انته
عارف أنا اقصدي مين
اقصدي
ناس تانيين أصحاب الشركات والفلوس ملايين
أصحاب
العماير والفدادين اللي في الفيللا والشلايهات نايمين
======
شهداء الثورة
في
المنصورة والمنوفية شهدا كتير عدو المية
وكمان في دمياط
والشرقية والسويس والغربية
وكل مكان
في بلادنا الغالية عليه
واحد مات دم كتير
أثر فيه انتو معايه ردو عليه
ماتوا
وراحوا همه ارتحوا هناك في الجنة ملايكة مستنيه
معها
من كل ألوان طعام وشربة هنيه
يارب
اكرمنا ونولنا الشهادة ديه
- يا كريم
يا محمد يا سالي يا أبو
محروس يا كل الغوا لي
يا أبو رجب
أنت دايما صورتك في بالي
ووصيتك يا حبيبي تاج علي جبين المعالي
ع الدرب
إحنا ماشيين وبدمكم هنطالب كل المسئولين
وعن القضية
والله احنا مش نايمين ومالموت والله ما
أحنا خايفين
وللظا لم
واقفين وللشهادة في كل ميدان منتظرين
وحلم عمرنا
نحرر أرض فلسطين
علشان شهدانا يناموا مرتاحين
قال
تعالي" ولا تحسبن الذين
قتلوا في سيبل الله أموات بل أحياء عند ربهم يرزقون....................صدق الله
العظيم
شعر..... وزجل ..... عبد الحليم الشحات عبدا لحليم
إمام وخطيب من قرية النخاس
الأحد يونيو 05, 2011 10:50 am من طرف نور الإيمان
